Shfrytëzohet nga narkomanët, ish-Fabrika e Qelqit në Korçë ngrehinë e rrezikshme.
Një skelet i madh tullash dhe betoni është ajo çfarë ka mbetur nga ish-fabrika e qelqit në periferi të qytetit të Korçës. Një ngrehinë sa e shëmtuar aq edhe e rrezikshme për këdo që futet në brendësi të këtyre rrënojave gjysmë të shembura.
Por më të rrezikuarit janë fëmijët të cilët jo në pak raste i përdorin këto ngrehina për të luajtur thonë banorë të zonës. Por këto ngrehina nuk janë problematike vetëm për shkak të rrezikshmërisë së inerteve dhe pamjes që kanë, ato janë kthyer në streha narkomanësh të cilët vijnë kryesisht në mbrëmje dhe kosumojmë drogë.
“Kemi frikë për fëmijët” tha një banor, pijnë drogë dhe nuk dijnë çfarë bëjnë pastaj.
“Policia vjen, ikin disa ditë të droguarit por kthehen prapë pastaj”.
Ndërkohë nga bashkia e Korçës shprehen se ish-Fabrika e Qelqit është privatizuar, por nuk japin asnjë sqarim se përse të paktën territori i saj nuk rrethohet për të shmangur rreziqet që paraqet ky ambjent. Më e pakta që mund të bëhej është që pronarët të detyrohen pronarët ta rrethojnë, e nëse nuk binden për ta bërë mjaftojnë disa gjoba dhe do reagojnë më pas.
E deri atë ditë, kur bashkia të kujtohet, ose deri sa pa ndodhur ndonjë ngjarje e rëndë në këto rrënoja, pamja dhe gjendja do të jetë e tillë.
