Skënderbeu pas humbjes së një jave më parë me Dinamon këtë të shtunë luan në shtepi me ekipin e Laçit, ndeshje që për trajnerin Ivan Gvozdenoviç është delikate si ndeshja e parë e këtij sezoni.
Kryepankina korçare edhe në kushte kur Skënderbeut i mungojnë jo pak pikë në këto 5 javë, kursen kritikat për futbollistët e tij aq sa nuk shprehet për ndryshim grupi por vendosje dhe mënyrë loje.
Trajneri Ivan Gvozdenoviç në konferencën për shtyp ka lënë për të kuptuar se për gjithçka do vendosë pas konsultimit që do ketë me pjesën tjetër të stafit ndërkohë që ka bërë me dije se lojtarët e ardhur së fundmi në Skënderbeu nuk janë në gjendjen e duhur fizike për të përballuar një ndeshje si kjo me kurbinasit.
Skënderbeu në 5 javët e luajtura ka vetëm 4 pikë pas një barazimi me Elbasanin dhe fitore me Vllazninë, ndërkohë që ka humbur 3 ndeshje në transferte
