Korça e Serenatave, Qyteti i Dashurisë, Qyteti i Artit, Qyteti i Shkollës së Parë Shqipe, Qyteti i Birrës, Parisi i Vogël e nëse e sheh nga afër, do të zbulosh dhjetra cilësi të tjera që të ftojnë ta vizitosh sërish Korçën dhe ta dashurosh.
Çfarë vizitosh në Korçë:
- Vizito “Pazarin e Vjetër” zonën më të gjallë të qytetit;
- Shijo një kafe apo gatime tradicionale tek baret dhe restorantet e qytetit;
- Shëtit në rrugicat me kalldrëm, karakteristike të Korçës;
- Vizito Xhaminë më të vjetër në Shqipëri, “Iljaz Bej Mirahori”;
- Vizito Katedralen “Ringjallja e Krishtit”;
- Relaksohu në parkun më të bukur në Shqipëri “Rinia”;
- Vizito fabrikën e parë të prodhimit të birrës “Birra Korça”;
- Bëj guidën “Korça me Biçikletë”;
- Vizito muzeumet e qytetit;
- Bëj një turne në fshatrat turistike të Korçës: Voskopojë, Dardhë, Boboshticë ose vizito liqenin e Prespës;
- Për zonat natyrore dhe hiking vizito në pazar Korça Alpin Club.
