Kandidatja e Foltores në Korçë hap thesin, premton 4-5 poste nënkryetari dhe vende pune për militantët
Kur na ndajnë më pak se 10 ditë nga zgjedhjet e 14 majit, kandidatja e Foltores një Korçë Ledina Aliolli ka nisur me premtimet e punësimit për mbështetësit e saj në poste si drejtorë dhe nënkryetarë.
Edhe pse me një popullsi më pak se 200 mijë banorë, kandidatja Aliolli premton se do ta fryjë administratën për të krijuar 4-5 poste nënkryetarësh, ndërkohë që thotë se shtim organike do të ketë dhe për drejtorët. Aktualisht vetëm kryeqyteti ka bashki me 4 nënkryetarë, por ndryshe nga Korça, në Tiranë jetojnë afro 1.2 milionë banorë. Me qëllim marrjen e votave dhe nga komuniteti rom dhe egjiptuan, Aliolli thotë se do të krijojë dhe një drejtori të posaçme për ta.
Janë të shumta denoncimet nga qytetarët të cilët thonë se kandidatët e opozitës po premtojnë vende pune, madje dhe pozicione drejtuese për ata që votojnë djathtas.
Edhe pse nga njëra anë premtojnë ulje të taksave, e cia përkthehet automatikisht dhe në uljen e të ardhurave për këto bashki, çuditërisht kandidatët e Berishës dhe të Metës, premtojnë për fryrje të administratës. Me sa duket, e kanë ndarë mendjen se nëse fitojnë të gjithë buxhetin ta çojnë për punësimin e militantëve të tyre dhe asnjë lek të mos çojnë për investime si rrugë, shkolla, kanale vaditëse etj. Mos duhet të bëjë edhe një drejtori për PD-istët?
