Një 52-vjeçar nga fshati Mborje është vënë nën hetim nga Policia Kufitare e Kapshticës, pasi tentoi të ndihmonte një shtetas të huaj të kalonte ilegalisht kufirin drejt Greqisë. Gjatë kontrollit në kamionin që ai drejtonte, shërbimet e Drejtorisë Vendore për Kufirin dhe Migracionin Korçë konstatuan një shtetas nga Sudani, i fshehur nën rimorkio.
Shtetasi V. T., 52 vjeç, po hetohet për veprën penale “Ndihma për kalim të paligjshëm të kufijve”.
Ndërkohë, janë proceduar penalisht edhe dy shtetas të tjerë, E. Ç., 32 vjeç nga Peqini dhe B. I., 44 vjeç nga Tirana, për “Kalim të paligjshëm të kufirit shtetëror”.
Materialet hetimore i janë referuar Prokurorisë së Korçës për veprime të mëtejshme.
