Një 50-vjeçar nga Korça ka rënë në prangat e Policisë Kufitare në pikën e kalimit Kapshticë, pasi tentoi të kontrabandonte mallra nga Greqia.
Gjatë kontrollit në vijën e dytë, në bagazhin e autobusit që ai drejtonte, shërbimet policore gjetën dy thasë të mbushur me veshje të ndryshme, të dyshuara të futura kontrabandë.
Mallrat u sekuestruan, ndërsa ndaj shtetasit E. N., 50 vjeç, u regjistrua procedim penal për veprën “Kontrabanda me mallra të tjera”. Materialet i janë referuar Prokurorisë së Korçës për hetime të mëtejshme.
