Specialistët për Hetimin e Krimeve Kibernetike në Drejtorinë Vendore të Policisë Korçë kanë shpallur në kërkim shtetasin O. D., banues në Podgorie.
Ky shtetas dyshohet se ka hapur një profil fals në rrjetin social “Facebook”, duke përdorur emrin e ish-bashkëshortes së tij, ku ka shpërndarë foto të saj dhe ka kryer biseda me përmbajtje fyese ndaj saj.
Materialet procedurale janë referuar në Prokurori pranë Gjykatës së Shkallës së Parë të Juridiksionit të Përgjithshëm Korçë për veprime të mëtejshme.
