Rastet e dhunës në familje skanë të sosur. Ditën e sotme Specialistët për Hetimin e Krimeve të Komisariatit të Policisë Devoll ekzekutuan urdhërin për arrestimin e një shtetasi pasi ka ushtruar dhunë ndaj bashkëshortes së tij.
Ja deklarata e Policisë;
DVP Korçë/Vihet në pranga 1 shtetas për veprën penale të dhunës në familje
-Specialistët për Hetimin e Krimeve të Komisariatit të Policisë Devoll bënë ekzekutimin e urdhrit të Prokurorisë për ndalimin e shtetasit në kërkim U. T., 46 vjeç, banues në Bilisht, Devoll, pasi Gjykata e Rrethit Gjyqësor Korçë e ka dënuar me 6 muaj burg për veprën penale “Dhuna në familje”.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Korçë, për veprime të mëtejshme.
