KokoFest, festivali i komedisë aq i pëlqyer i cili ka bërë rrënjë në Korçë do të vijë dhe këtë vit për artdashësit korçare dhe vizitorët e shumtë që zgjedhin të pushojnë në Korçë.
Kolibri.al ka mësuar se ky festival do të mbahet nga data 2-9 shtator, ku çdo natë në teatrin “Andon Zako Çajupi” do të ketë shfaqje komedi.
Emra të njohur të skenës shqiptare si Olta Daku, Gentian Zenelaj, Luiza Xhuvani dhe të tjerë do të jenë pjesë e shfaqjeve ndërkohë të ftuar në këtë festival janë Margarita Xhepa, Tinka Kurti, Yllka Mujo, Rajmonda Bulku, Timo Flloko dhe të tjerë.
Regjisorët më në zë të ekranit dhe teatrit bëhen bashkë në KokoFest, në Festivalin që gjallëron Korçën dhe zgjat sezonin turistik veror.
