Së shpejti, në teatrin “Andon Zako Çajupi” të Korçës do të shfaqet komedia britanike “Një martesë, një divorc dhe një funeral”, një shfaqje që premton të sjellë humor dhe situata të papritura, duke bërë publikun të qeshë dhe të reflektojë njëkohësisht. Me aktoret e njohura Zamira Kita, Olta Daku, Egla Ceno dhe Paola Kodra, në regji të Rovena Lule, kjo premierë do të vijë për publikun në fund muajit janar.
Regjisorja Lule thotë se kjo premierë do të sjellë një ngjarje të paharrueshme për dashamirësit e teatrit.
Kjo komedi do të përcjellë tek publiku mesazhe të fuqishme për jetën, miqësinë dhe dashurinë.
Ky është bashkëpunimi i parë i regjisores Rovena Lule me teatrin e Korçës. Me një përzierje të humorit të hollë dhe komedisë së situatës, “Një martesë, një divorc dhe një funeral” premton të jetë një shfaqje që do të tërheqë shumë vëmendjen e publikut.
