Një konflikt mes dy shtetasve është shënuar në fshatin Kakaç, ku për pasojë njëri prej tyre ka mbetur i plagosur dhe është dërguar në Spitalin e Traumës në Tiranë.
Policia bën me dije se është arrestuar shtetasi Sh. B., 58 vjeç, banues në Kakaç, si dhe është proceduar në gjendje të lirë shtetasi R. F., 71 vjeç, po nga i njëjti fshat.
Sipas hetimeve paraprake, për motive të dobëta, dy shtetasit janë konfliktuar fizikisht me njëri-tjetrin. Gjatë sherrit, 58-vjeçari dyshohet se ka goditur me mjet të fortë në kokë 71-vjeçarin, i cili aktualisht po merr mjekim në Spitalin e Traumës, jashtë rrezikut për jetën. Ndërkohë, 71-vjeçari ka goditur 58-vjeçarin, duke i shkaktuar dëmtime të lehta.
Materialet i kaluan Prokurorisë, për veprime të mëtejshme procedurale.
