Ditën e djeshme është bërë konstituimi i Këshillit Bashkiak Pustec si dhe i kryetarit të bashkisë së Pustecit, Pali Kolefski.
Pasi janë verifikuar të gjitha mandatet e këshilltarëve është konstatuar se çdo gjë ishte konform rregullave, ka vijuar procesi i votimit për kryetarin e këshillit të bashkisë.
Ky proces është maxhoruar nga Komisioni i Votimit dhe nga votimi fitues ka dalë Naum Damo me 11 vota.
Nënkryetarë të këshillit bashkiak u përzgjodhën Stavre Stavre dhe Moza Simoni, duke respektuar kështu edhe rregullin për barazinë gjinore.
Pali Kolefski ka bërë betimin për postin e tij dhe ka marrë kështu mandatin e tij të dytë në drejtimin e bashkisë së Pustecit.
Në ceremoninë e konstituimit të Këshillit Bashkiak dhe betimit të kryetarit të bashkisë së Pustecit, z. Pali Kolefski, i cili edhe për katër vite të tjera do vijojë të çojë përpara punët e nisura në interes të qytetarëve dhe perspektivës së zhvillimit të turizmit në një zonë perlë të natyrës, me mbështetjen e vazhdueshme të qeverisë, ka marrë pjesë Prefekti i Qarkut, Nertil Jole, si dhe Kryetarja e Këshillit të Qarkut, Ana Verushi.
