Festivali Folklorik Kombëtar i Gjirokastrës do të rikthehet pas disa vitesh.
Festivali zhvilloi edicionin e dhjetë në vitin 2015 në Gjirokastër, por edicioni i radhës do të jetë në qershor të këtij viti.
Pas një pauze 8-vjeçare, ky festival, që dikur mblidhte në skenën e kalasë së Gjirokastrës qindra artistë nga gjithë vendi, synon të vijojë rrugën e tij me të njëjtin shkëlqim dhe synim, ruajtjen dhe kultivimin e trashëgimisë kombëtare kulturore jo materiale.
Tashmë janë përzgjedhur dhe 22 grupet e para që do të marrin pjesë në këtë festival, ndërsa disa nga protagonistët shprehen të emocionuar që po rikthehen sërish në skenën që dikur e kanë shkelur shumë të rinj në moshë.
Më datë 27 qershor Korça merr pjesë në Festivalin Folklorik Kombëtar. Grupet pjesëmarrëse nga të gjitha bashkitë e qarkut të Korçës prej 6 muajsh kanë bërë përgatitjet dhe provat për të sjellë në këtë festival vlerat më të bukura e të larmishme të trashëgimisë shpirtërore, etnomuzikore, etnografike dhe kostumet popullore.
Përveç këngëve e valleve, grupet pjesëmarrëse do të jenë të kompletuara edhe me kostumet popullore sipas krahinave që përfaqësojnë, ndërsa risi këtë edicion do të jetë përfaqësimi igrupeve të të rinjve që kultivojnë muzikën folklorike.
