Një ngjarje e rëndë po zhvillohet në lagjen 16 në qytetin e Korçës pasi një 71 vjeçar shtiu 3 herë me armë zjarri në ajër, nga ballkoni i banesës së tij.
Burimet policore thanë se 71 vjeçari Edmond Naska jeton i vetëm në banesë dhe ka qenë vetëm kur ka shtënë.
Menjëherë në vendngjarje mbrritëm forcat blu të Korçës që bënë rrethimin e zonës dhe evakuimin e banorëve të pallatit.
Edhe pse ka kaluar një orë nga nisja e kësaj ngjarje, 71 vjeçari nuk pranon të dorëzohet në polici.
Tashmë në zonë mbrritën forcat Renea të cilat pritet të ndërhyjnë me forcë në banesë në rast se 71 vjeçari do vijojë të mos dorëzohet.
Shumë pak dihet rreth Naskës dhe arsyeve që mund ta kenë çuar atë të marrë armën dhe të qëllojë në ajër duke rrezikuar jetë njerzish.
Ngjarja është në zhvillim dhe mbetet për tu parë se si do të reagojë ai ndaj Reneas, e cila sigurisht në rast se do ti drejtohet arma, me shumë gjasa mund ta ekzekutojnë agresorin në banesën e tij.
