Korça mirëpriti një tjetër aktivitet kulturor me rëndësi ndërkombëtare, ku tradita dhe historia u ndërthurën për të sjellë më afër dy popujt: Shqipërinë dhe Hungarinë. Ekspozita fotografike e autorit Roland Tasho u çel në qytetin juglindor, duke sjellë për publikun një rrëfim vizual mbi lidhjet miqësore dhe bashkëpunimin mes dy vendeve.
Nëpërmjet një koleksioni të veçantë imazhesh, vizitorët udhëtuan nga peizazhet karakteristike të Budapestit, deri te portretet e diplomatëve hungarezë të veshur me kostume tradicionale shqiptare. Ekspozita përfshiu gjithashtu elementë nga historia e komunitetit shqiptar që jeton në Hungari, duke reflektuar vlerat e ruajtura ndër vite dhe ndjenjat e mirëkuptimit kulturor.
Sipas organizatorëve, qëllimi i këtij aktiviteti ishte thellimi i marrëdhënieve miqësore, nxitja e dialogut kulturor dhe promovimi i identitetit kombëtar në një dimension ndërkombëtar. Publiku korçar e priti ekspozitën me interes të veçantë, duke e cilësuar atë si një urë komunikimi mes dy traditave.
Korça konfirmoi edhe një herë rolin e saj si qytet i hapur ndaj kulturës dhe bashkëpunimit ndërkombëtar, duke u bërë skenë për aktivitete që promovojnë dialogun mes popujve.
