Vitet e fundit largimi i të rinjve nga Shqipëria është kthyer në problem shqetësues por Elena Demçe nga Korça është një rast ndryshe.
Prej disa vitesh jetoi në Kanada por përsëri vendosi të kthehej në mëmëdhe, pasi nuk u përshtat me jetesën aty.
“Kanadaja është vend shumë i bukur por jo për mua, mendoj se Shqipëria ka shumë gjëra për të dhënë, pikë së pari kam unë shumë gjëra për ti dhënë Shqipërisë, është vend i bukur thjesht të duhen mundësi të cilat fatkeqësisht nuk egzistojne në masë të madhe por mendoj se në qoftë se të rinjtë punojnë në një mënyrë më të zgjuar, Shqipëria shijohet në shumë mënyra dhe nuk është nevoja për të lënë këtë vend të bukur”.
Elena tregon se Kanadaja ishte një vend depresiv për të dhe e vetmja gjë që bënte ishte puna, shumë më ndryshe se Shqipëria.
“Kanadaja për mua ishte një vend depresionues, një vend shumë i ftohtë, nuk e gjëja veten në Kanada. Ishte Rutina punë shtëpi, gjë që nuk më pëlqente, kur gjeta mundësi të shpëtoja e rrrmbeva, thashë pse të sakrifikoj nga vetja ime për një jetese minimale kur diku tjetër nëpër botë e sidomos në Shqipëri mund të jetoj ashtu siç dëshiroj. 2:03 mua Shqipëria me mbush, me karikon, me karikon në mënyrën energjike, ndihem mirë dhe e lumtur. Jam më e lumtur se çkam qenë”.
Teksa sot është e përkushtuar në punën online, Elena ka një mesazh për bashkëmoshataret e saj.
“Kanadaja, Amerika, fushë me lule por që emigracioni është i vështirë, edhe në Europe, njoh emigrantë që janë rikthyer. Mesazhi im është ky, të punojnë në mënyrë më të zgjuar, jo kaq fort, të vendosin trurin e tyre në punë, mundësi ka pafund, por ka frikë. Ky është mesazhi im, mos keni frikë të guxoni dhe merrni iniciativa”.
Elena është një nga të rinjtë të cilët moton e jetës kanë” guri i rëndë në vend të vet “, edhe pse duke lënë vende më të zhvilluara ekonomikisht e jo vetëm, si Kanadaja
