Ylveri, një agronom me përvojë nga Korça, ka krijuar një fermë model në një sipërfaqe prej 17 hektarësh, duke implementuar një sistem intensiv kultivimi të mollëve. Fermat e tij mbajnë 22 varietete të ndryshme mollësh, të destinuara për tregun vendas dhe atë të rajonit.
Ekspertiza e tij nuk është kufizuar vetëm në fermën e tij. Ylveri ka ndarë përvojën e tij edhe me fermerë të tjerë në zonën e Korçës, duke ndihmuar në përmirësimin e cilësisë dhe rritjen e konkurrencës në tregjet lokale dhe ndërkombëtare.
Vizioni i Ylverit shkon përtej prodhimit dhe shitjes së mollëve te grumbulluesit. Ai synon të kthejë fermën e tij në një destinacion turistik, ku vizitorët mund të përjetojnë vjeljen e mollëve direkt nga pemët, duke ofruar një përvojë të veçantë dhe tërheqëse për turistët e zonës.
