Specialistët e Sektorit të Qarkullimit Rrugor arrestuan në flagrancë shtetasin L. A., 40 vjeç, banues në Plasë, pasi u kap duke drejtuar automjetin në gjendje të dehur. Gjithashtu, nisi procedimi penal për shtetasin N. M., 49 vjeç, banues në Tiranë, i cili duke drejtuar automjetin, përplasi një këmbësore, e cila u dëmtua lehtë.
Shërbimet e Komisariatit të Policisë Pogradec proceduan penalisht shtetasin A. M., 46 vjeç, banues në fshatin Vërdovë, pasi u kap duke transportuar rreth 7 m³ lëndë drusore të prerë në mënyrë të kundërligjshme. Po ashtu, shtetasja N. M., 41 vjeçe, banuese në fshatin Gështenjas, dyshohet se nga pakujdesia ka ndezur zjarr, i cili përhapi flakët duke djegur një sipërfaqe me bimësi dhe pemë frutore.
Ndërsa, specialistët për Hetimin e Krimeve të DVKM Korçë referuan materialet në Prokurori për shtetasin G. K., 51 vjeç, banues në Peqin, për veprën penale “Kalimi i paligjshëm i kufirit shtetëror”.
Materialet procedurale iu referuan Prokurorisë pranë Gjykatës së Shkallës së Parë Korçë, për veprime të mëtejshme.
