Drejtoria Vendore e Policisë Korçë bën me dije se gjatë ditëve të fundit janë goditur disa raste shkeljesh ligjore dhe janë evidentuar ngjarje me pasoja materiale.
Specialistët e Qarkullimit Rrugor arrestuan në flagrancë 34-vjeçarin E. Q., banues në fshatin Çiflig, i cili u kap duke drejtuar automjetin nën efektin e alkoolit.
Gjithashtu, shërbimet e Komisariatit të Policisë Korçë arrestuan në flagrancë shtetasin G. T., 23 vjeç, pasi theu masën e sigurisë “Arrest në shtëpi”, duke dalë nga banesa pa lejen e Gjykatës. Ndërkohë, për një 46-vjeçar të identifikuar si K. N., u referuan materialet në Prokurori, pasi dyshohet se ka kanosur një 45-vjeçar.
Policia njofton se po ashtu ka referuar materialet në Prokurori për një zjarr të rënë në fshatin Shtyllë, ku u dogjën rreth 1 hektar bimësi. Ende po punohet për të përcaktuar shkaqet e rënies së tij.
Në Kolonjë, më 22 shtator, një zjarr ra në magazinën e shtetasit K. Z., 63 vjeç, banues në fshatin Barmash, duke shkaktuar dëme materiale. Po kështu, në Maliq, më 23 shtator, në fshatin Strelcë, dyshohet se për shkak të një shkëndije elektrike ra zjarr në banesën e 79-vjeçares D. Z., nga ku pati vetëm dëme materiale.
Materialet procedurale për rastet e mësipërme iu referuan Prokurorisë pranë Gjykatës së Shkallës së Parë Korçë, për veprime të mëtejshme.
