Ditën e djeshme besimtarët katolikë në qytetin e Korçës kanë kremtuar të Premten e Madhe. Në këtë ditë, ata kanë përkujtuar vuajtjet e Jezus Krishtit me “Udhën e Kryqit”, ku përmes 14 ndalesave, kanë kujtuar mundimet që ai kaloi deri në momentin e kryqëzimit.
Procesioni ka nisur në pedonalen e qytetit, për të përfunduar tek kisha Katolike, ku më pas është mbajtur edhe shërbesa fetare.
DOM IGNAZIO BONSIGNORE famullitar i Kishës Katolike
E Premtja e Madhe e Pashkëve është ditë lutjeje e heshtje, ditë e mundimeve dhe kryqëzimit të Jezu Krishtit.
Kjo është një ndër ditët më të veçanta në kalendarin fetar të besimtarëve katolikë, që i paraprin festës së ngjalljes së Jezusit, pasi u kryqëzua dhe u varros.
