Sot është bërë konstituimi i këshillit bashkiak të Korçës, ku 39 këshilltarë kanë marrë mandatin e tyre dhe janë betuar për të kryer punën me ndershmëri në shërbim të qytetarëve të Korçës.
Ajo që ka rënë në sy është se deklarata e betimit të tyre ka dhjetra gabime drejtshkrimore. Duket se dhe në radhët e administratës shtetërore ka ende analfabetë aktivë të cilët kanë zënë vendet e punës politikisht.
Akoma më e rëndë kjo është për institucionin e këshillit bashkiak, si një parlament i vogël i qytetit që miraton vendime të rëndësishme për qytetin dhe gjithashtu këto vendime shkruhen dhe zbardhen nga punonjës analfabetë.
Dokumentin e ka publikuar këshilltari i pavarur Lazjon Petri dhe vërehen me dhjetra gabime drejtshkrimore.
