Vazhdojnë rastet kur drejtuesit e mjeteve drejtojnë mjetet e tyre në gjendje të dehur.
Ditën e sotme 2 persona janë arrestuar e një tjetër po ndiqet penalisht, lexoni njoftimin e policisë;
Njoftimi i policisë;
DVP Korçë/Vihen në pranga 2 shtetas dhe procedohen në gjendje të lirë 1 tjetër, për vepra të ndryshme penale.
Specialistët e Trafikut Urban dhe Interurban të DVP Korçë arrestuan në flagrancë shtetasit:
- I. Sh., 48 vjeç, banues në fshatin Mborje, Korçë, pasi u kap në lagjen nr. 17, Korçë, duke drejtuar automjetin, në gjendje të dehur;
- M. L., 35 vjeç, si edhe u referuan materialet në Prokurori ku filloi procedimi në gjendje të lirë për shtetasin G. K., 31 vjeç, të dy banues në fshatin Dobranj, Devoll. Në Bilisht, shërbimet e Policisë kanë konstatuar automjetin tip “Audi” me drejtues shtetasin M. L., të cilit i kanë bërë me shenjë të ndalonte. 35-vjeçari nuk i është bindur urdhrit të tyre, por ka vijuar lëvizjen dhe më pas dyshohet se ka humbur kontrollin mbi drejtimin e automjetit dhe për pasojë automjeti ka dalë nga rruga. Nga kryerja e alkooltestit rezultoi se shtetasi M. L. e drejtonte automjetin, në gjendje të dehur. Në këtë automjet ishte pasagjer shtetasi G. K., i cili së bashku me drejtuesin, ka kundërshtuar punonjësit e Policisë, gjatë shoqërimit në ambientet e komisariatit.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Korçë, për veprime të mëtejshme.
