Specialistët e Hetimit të Krimeve Ekonomike dhe Financiare në Korçë kanë goditur disa raste të shkeljeve në fushën ekonomike.
K. B., 29 vjeç, nga Gurrasi, si dhe L. B., 38 vjeç dhe M. Xh., 28 vjeç, nga fshati Vërdovë, u proceduan pasi administronin biznese të paregjistruara.
E. S., 43 vjeç, nga Pogradeci, u kap duke transportuar dhjetëra koli me pije freskuese dhe ujë pa faturë shoqëruese, ndërsa u konstatua edhe transport i paligjshëm i një të mituri dhe një shoferi të pasiguruar.
Sh. D., 39 vjeç, nga Shqitas, u ndalua pasi në automjetin e tij u gjetën 85 krerë bagëti të imta pa dokumentacion tatimor.
Xh. H., 61 vjeç, nga Erseka, u procedua pasi transportonte produkte elektroshtëpiake të pashoqëruara me fatura tatimore.
Policia bën me dije se materialet procedurale për të gjitha rastet i janë referuar Prokurorisë së Korçës për vijim të mëtejshëm.
