Një 52 vjeçar është dënuar nga Gjykata e Rrethit Gjyqësor Korçë për veprën penale të kalimit të paligjshëm të emigrantëve.
Njoftimi i Policisë
DVP Korçë/Vihet në pranga 1 shtetas, për veprën penale të kalimit të emigrantëve të paligjshëm
-Specialistët për Hetimin e Trafiqeve të Paligjshme të DVP Korçë bënë ekzekutimin e urdhrit të Prokurorisë, për ndalimin e shtetasit A. F., 52 vjeç, banues në Korçë, pasi me vendimin e Gjykatës së Rrethit Gjyqësor Korçë, ky shtetas ka për të vuajtur edhe 1 vit e 8 muaj burgim, për veprën penale “Ndihma për kalim të paligjshëm të kufijve”, kryer në bashkëpunim.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Korçë, për veprime të mëtejshme.
