Mbrëmjen e sotme në aksin rrugor “Korçë-Ersekë” një automjet është përplasur me një motomjet dhe si pasojë e përplasjes ka mbetur një i plagosur, drejtuesi i motomjetit.
Lexo deklaratën e Policisë;
Korçë/Informacion paraprak
Mbrëmjen e sotme në aksin rrugor “Korçë-Ersekë”, në afërsi të fshatit Dvoran, automjeti tip “BMW” me drejtues shtetasin M. K., është përplasur me një motomjet me drejtues shtetasin M. Z., 56 vjeç, i cili si pasojë e përplasjes, ka marrë dëmtime dhe u transportua për mjekim në spitalin e Korçës, ku ndodhet jashtë rrezikut për jetën. Me drejtuesin e automjetit po kryhen veprimet e mëtejshme procedurale.
Grupi hetimor po punon për përcaktimin e shkaqeve të aksidentit.
