Drejtoria Vendore e Policisë Korçë ka bërë të ditur disa raste të ndodhura gjatë ditës së djeshme në qark.
Specialistët e Qarkullimit Rrugor arrestuan në flagrancë shtetasin I. Gj., 44 vjeç, banues në Sovjan, pasi u kap duke drejtuar automjetin në gjendje të dehur.
Po ashtu, filloi procedimi penal për S. M., 21 vjeç, banues në Bregas, i cili humbi kontrollin mbi mjetin që drejtonte dhe për pasojë dëmtoi 14 krerë bagëti të imta, në pronësi të një banori të zonës. Nga aksidenti mbeti i lënduar lehtë edhe vetë drejtuesi i mjetit, i cili ndodhet nën kujdesin e mjekëve.
Në Pogradec, shërbimet e Komisariatit referuan materialet në Prokurori për V. B., 44 vjeçe, e cila dyshohet se ka dëmtuar disa stola dhe karrige në shëtitoren e qytetit.
Ndërkohë, më 20 shtator 2025, në lagjen nr. 10 të Korçës, ra zjarr në një ndërtesë të braktisur. Për fat, flakët shkaktuan vetëm dëme materiale.
Materialet procedurale për të gjitha rastet iu referuan Prokurorisë së Korçës për veprime të mëtejshme.
