Qarku i Korçës renditet si një nga qarqet problematike sa i takon numrit të aksidenteve rrugore, si dhe pasojave të ardhura prej tyre, veçanërisht në humbjet e jetëve njerëzore.
Gjatë muajve, javëve dhe ditëve të fundit në këtë qark, janë regjistruar dhjetra aksidente rrugore, nga të cilat janë shkaktuar persona të vrarë dhe të tjerë të plagosur.
Shumica e këtyre aksidenteve kanë ndodhur në ato që njihen si njolla të zeza, të cilat vijojnë të jenë burim aksidentesh të rënda. Një prej këtyre njollave është ajo e Plasës në aksin Krocë-Bilisht, ku banorët kërkojnë ndërhyrje të menjëhershme teksa i pyet se sa të lehtë e kanë të kalojnë më rrugë.
“Duhet të rrish me orë këtu, dhe më pas të kalosh, është shumë e rrezikshme, nuk kemi mbikalime”, thonë banorët e frustruar.
“Njollat e zeza” janë të njohura dhe të raportuara edhe nga policia rrugore e qarkut të Korçës, por në kushtet kur askush nuk ndërhyn për t’i bërë këto njolla më pak të rrezikshme, nga efektivët e qarkullimit rrugor të Korçës, premtohet prezencë më të madhe të policisë rrugore.
Ndërkohë, pronarët e këtyre akseve rrugore, që janë kryesisht autoriteti rrugor shqiptar dhe bashkitë, duhet të marrin masa, për të kryer ndërhyrjet e nevojshme pranë “njollave të zeza”, për të rritur sigurinë e përdoruesve të rrugës.
Dy akset me njollat e zeza me numër më të lartë mbeten ai i Qafë Thanë- Korçë dhe Korçë-Kapshticë.
