Një 33 vjeçar nga Korça i cili ishte dënuar nga gjykata me masën “Arrest në shtëpi” për shitje të lëndëve narkotike duket se e ka pasur të pamundur të qëndrojë në banesë dhe ka zgjedhur të dalë jashtë saj duke thyer kështu masën e sigurisë, për pasoj për këtë shkelje ai është arrestuar nga policia dhe ka përfunduar në qeli.
Njoftimi i policisë:
DVP Korçë/Vihet në pranga 1 shtetas për veprën penale të thyerjes së masës arrest në shtëpi.
-Specialistët për Hetimin e Krimeve të Komisariatit të Policisë Korçë arrestuan në flagrancë shtetasin E. Ç., 33 vjeç, banues në Korçë, pasi ka dalë jashtë banesës së tij, në kundërshtim me vendimin e Gjykatës së Shkallës së Parë Korçë, e cila i kishte caktuar masën e sigurisë “Arrest në shtëpi”, për veprën penale “Prodhimi dhe shitja e narkotikëve”.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Korçë, për veprime të mëtejshme.
