Policia e Korçës ka referuar në Prokurori tre raste të ndryshme të veprave penale, të konstatuara në territorin e qarkut.
Në fshatin Rëmbec, një 35-vjeçare, me inicialet M. D., dyshohet se ka vjedhur një shumë parash në një hotel, ndërsa ndaj saj ka nisur procedimi penal. Gjithashtu, shtetasi R. M. u kap duke kryer punime ndërtimi pa leje dhe po hetohet për këtë vepër.
Ndërkohë, specialistët për Hetimin e Krimeve të Drejtorisë Vendore të Policisë Korçë kanë proceduar penalisht shtetasin A. M., 58 vjeç, banues në fshatin Drithas, pasi akuzohet për kalim të paligjshëm të kufirit shtetëror.
Materialet procedurale janë referuar në Prokurorinë pranë Gjykatës së Shkallës së Parë të Juridiksionit të Përgjithshëm Korçë, për veprime të mëtejshme.
