DVP Korçë/Procedohet në gjendje të lirë 1 shtetas për veprën penale të bixhozit.
Specialistët për Hetimin e Krimeve të Komisariatit të Policisë Korçë referuan materialet në Prokurori ku filloi procedimi në gjendje të lirë për shtetasin D. P., 52 vjeç, banues në Korçë, pasi gjatë kontrollit të ushtruar në lokalin e tij, në lagjen nr. 16, Korçë, u gjetën 1 tavolinë ku organizoheshin dhe luheshin lojëra fati (bixhoz), zare, letra bixhozi dhe një shumë lekësh që përdoreshin për këtë veprimtari të paligjshme.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Korçë, për veprime të mëtejshme.
