Zona e Devollit ka një nga fushat më të mëdha të mbjella me mollë në juglindje të vendit, të cilat këtë vit për shkak të ngricave janë dëmtuar në masë të konsiderueshme
Njeri nga fermerët e fshatit Mançurisht tregon se zgjidhja e vetme është që kutitë e votimit t’i mbushin me mollë, pasi prej 5 vitesh janë dëmtuar nga breshëri dhe kushtet meteorologjike ndërsa askush nuk është kujtuar për ta.
“Ne jemi i 5 ky, se 4 vite u dëmtuan nga breshëri kurse këtë vit është shpejt ka filluar dëmtimi por shohim si do shkoje moti. Zoti e ka këtë punë. Kutitë e votimit me qershi e kumbulla i mbush Rama, i ka të gatshme.
Ne nuk kemi qershi, por me mollë do i mbushim. Nuk është interesuar njëherë një agronom”– u shpreh Medat Rusi.
Edhe fermerët e tjerë të zonës pranojnë se dëmet janë të konsiderueshme në qershia, kumbulla e molla
“U prishën. Unë kam njëqind rrënjë. Të gjitha janë prishur. Tani gjethe kanë se qershi nuk kanë më”.
“Prodhimi është marrë po me cilësi të dobët. Shitur me 40-60 lek te vjetra. Këtë vit na ra ngrica, mendojmë se dëme ka bërë. Mollë jane prerë shumë, preva 3 baca, nje ngeli. Shteti të shohë mundësime të përballojë gjendjen e të na ndihmojë”
“Është problemi i ngricave nga dëbora dhe bryma. Kumbulla qershia Jane dëmtuar. Me mollën akoma nuk po e shohim dot se do kohe me te gjate. Ne në fakt nqs shteti nuk vendos dorë mbi ne do falimentojme e do largohemi dhe ne pleqtë”.
Në juglindje të vendit janë të mbjella rreth 4200 hektarë me pemtore, ndër to mbi 3600 hektarë me molle. Rreth 50% e sipërfaqes së mbjellë me mollë këtë vit është dëmtuar nga ngricat.
