Një projekt i rëndësishëm infrastrukturore është drejt përfundimit në Bashkinë Maliq, duke e kthyer zonën në një destinacion më tërheqës për banorët dhe vizitorët.
Ndërtimi i korsisë së biçikletave, trotuarit dhe sistemit të ndriçimit përgjatë segmentit nga Kryqëzimi i Libonikut drejt Pyllit të Fazanëve është afër finalizimit.
Ky projekt, i realizuar në bashkëpunim mes Fondit Shqiptar të Zhvillimit (FSHZH) dhe Bashkisë Maliq, jo vetëm që rrit sigurinë për këmbësorët dhe çiklistët, por gjithashtu e bën më të lehtë aksesin në Pyllin e Fazanëve, një ndër atraksionet kryesore turistike të qytetit.
Pylli i Fazanëve, i njohur për bukuritë natyrore dhe ekosistemin unik, është një vend ideal për pushime në natyrë dhe eksplorim turistik. Me infrastrukturën e re, ky atraksion pritet të tërheqë më shumë vizitorë dhe të promovojë aktivitetet sportive dhe rekreative si ecja, çiklizmi dhe eksplorimi i natyrës.
Bashkia Maliq vazhdon të tregojë përkushtim ndaj projekteve që përmirësojnë cilësinë e jetës dhe zhvillojnë potencialin turistik të zonës.
