Drejtuesit dhe klerikët fetarë në Shqipëri shpesh jemi mësuar t’i shohim secili në punën e vet, duke praktikuar e predikuar besimin e tyre, duke qëndruar stoik dhe të largët me besimet e tjera fetare duke sjellë kështu edhe ndasi jo vetëm midis feve por edhe vet besimtarëve.
Shembulli ndryshe vjen nga Korça me Ledian Cikalleshin, myftiun e xhamisë së Korçës dhe juglindjes, i cili ka treguar një formë tjetër të të drejtuarit besimin mysliman.
Ka ngritur pyetje brenda “sojit” por kjo nuk e ka penguar të vazhdojë të punojë me gjithë besimet fetare përsa i përket harmonisë fetare, shërbimit në komunitet dhe ndihmën ndaj familjeve të varfëra, duke sjellë kështu një klerik fetar i cili mos shohë ndasitë por të përbashkëtat midis klerikëve të besimeve të tjera fetare.
Ledian Cikalleshi në fakt është një qytetar i mirë i Korçës, një burrë i fjalës i cili në vitin që jetojmë ka jetësuar se ajo çka shihet me frikë nga paragjykimet e vjetra, mund të thyhet, me mirësi vetëm.
