Maliq: 25-Vjeçarja Denoncon Tutorët, Policia Nis Kërkimet për Dy të Dyshuar
Një 25-vjeçare nga Maliqi ka denoncuar tutorët e saj, duke deklaruar se rreth një vit më parë ishte shfrytëzuar për prostitucion nga bashkëjetuesi i saj, shtetasi A. F., 34 vjeç, dhe nga shtetasja R. M., 34 vjeçe. Pas denoncimit të bërë mbrëmjen e djeshme në Komisariatin e Policisë Maliq, forcat e rendit kanë nisur menjëherë punën për kapjen e dy të dyshuarve dhe për zbardhjen e rrethanave të ngjarjes.
Sipas hetimeve të deritanishme, rezulton se R. M. është aktualisht në kërkim dhe është dënuar me 8 vite burgim nga Gjykata e Apelit e Korçës në vitin 2021 për “Trafikim të të miturve” dhe “Prodhim, mbajtje, blerje apo shitje pa leje të armëve të ftohta”. Policia është në ndjekje të rastit dhe priten zhvillime të mëtejshme në orët në vijim.
Njoftimi i policisë;
Drejtoria Vendore e Policisë Korçë
Mbrëmjen e djeshme, në Komisariatin e Policisë Maliq, është paraqitur një shtetase 25 vjeçe, e cila ka pretenduar se rreth 1 vit më parë, është shfrytëzuar për prostitucion, nga bashkëjetuesi i saj, shtetasi A. F., 34 vjeç dhe nga shtetasja R. M., 34 vjeçe. Menjëherë pas deklarimit të 25-vjeçares, ka nisur puna për kapjen e 2 shtetasve, si dhe për provimin e rrethanave të këtij kallëzimi.
Nga verifikimet e deritanishme, ka rezultuar se shtetasja R. M., është aktualisht në kërkim, e dënuar me 8 vjet burgim, në vitin 2021, nga Gjykata e Apelit e Korçës, për veprat penale “Trafikimi i të miturve” dhe “Prodhimi, mbajtja, blerja apo shitja pa leje e armëve të ftohta”.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Korçë, për veprime të mëtejshme.
