Një ngjarje e rëndë është denoncuar në Policinë e Maliqit, ku një 30-vjeçare ka kallëzuar se është abuzuar seksualisht nga vjehrri i saj, ngjarje që sipas saj ka ndodhur rreth dy muaj më parë. Gruaja, e cila dyshohet se vuan nga probleme të shëndetit mendor, ka dorëzuar kallëzimin në komisariat, ndërsa materialet janë referuar menjëherë në Prokurorinë e Korçës për hetim.
Aktualisht, hetimet po kryhen nën drejtimin e Prokurorisë, me qëllim verifikimin e rrethanave dhe provave të ngjarjes së raportuar. Autoritetet nuk kanë dhënë ende detaje mbi masat e mundshme që mund të merren, duke theksuar se çdo vendim do të bazohet në rezultatet e hetimit.
