Eskavatoristi i firmës që po ndërton rrugën Maliq-Lozhan ëshgë plagosur pasi ka përfunduar në kanal me mjetin e rëndë që drejtonte.
Duket se 39 vjeçari nuk ka zbatuar rregullat e punës dhe nga manovrimi i gabuar, mjeti i ka dalë nga kontrolli dhe është përmbysur në krah të rrugës.
Për pasojë ai mori dëme të shumta fizike dhe ndodhet në spitalin e Korçës nën kujdesin e mjekëve.
Njoftimi i policisë:
DVP Korçë/Procedohet në gjendje të lirë 1 shtetas, për veprën penale për manovrim të gabuar të mjetit.
-Specialistët për Hetimin e Krimeve të Komisariatit të Policisë Maliq referuan materialet në Prokurori ku filloi procedimi penal në gjendje të lirë për shtetasin S. D., 39 vjeç, banues në fshatin Pirg, Maliq, i punësuar në një firmë, pasi në aksin rrugor “Maliq-Lozhan”, tek vendi i quajtur “Ura e Strelcës”, duke drejtuar një mjet ekskavator, dyshohet se ka humbur kontrollin mbi drejtimin e tij dhe mjeti ka dalë nga rruga.
Për pasojë drejtuesi ka marrë dëmtime fizike dhe ndodhet në spital, jashtë rrezikut për jetën. Nga verifikimet e kryera rezultoi se 39-vjeçari kishte shkelur rregullat e mbrojtjes në punë;
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Korçë, për veprime të mëtejshme.
