Mëngjesi i sotëm nis me aksident, edhe pse Policia Rrugore ka marrë masa të herë pas hershme, sërish drejtuesit e mjeteve e gjejnë veten të aksidentuar.
Në fshatin Gurishtë të qytetit Maliq ka ndodhur aksident, ku drejtuesi i mjetit ka humbur kontrollin e mjetit dhe ka dalë nga rruga. Për pasojë është dëmtuar edhe pasagjeri. Të dy janë dërguar për mjekim në spitalin e Korçës.
Ja informacioni i Policisë;
Maliq/Informacion paraprak
Më datë 02.07.2023, rreth orës 06:50, në aksin rrugor Korçë-Pogradec, në afërsi të fshatit Gurishtë, Maliq, shtetasi L. D., duke drejtuar automjetin tip “Benz”, dyshohet se ka humbur kontrollin mbi drejtimin e tij dhe automjeti ka dalë nga rruga. Për pasojë është dëmtuar drejtuesi shtetasi L. D. dhe pasagjeri E. S., të cilët u transportuan për mjekim në spitalin e Korçës.
Grupi hetimor po punon për përcaktimin e shkakut të daljes nga rruga.
Kujtojmë se në aksin Korçë-Pogradec kanë ndodhur disa aksidente ditët e fundit.
