Agjencia e Shërbimeve Publike në Bashkinë Maliq ka nisur punën për rehabilitimin e ndriçimit publik në të gjithë territorin e saj.
Punonjësit po ndërhyjnë në disa zona për vendosjen dhe rregullimin e pikave të ndriçimit, me synimin që çdo lagje dhe fshat të ketë ndriçim sa më funksional dhe efikas.
Ky investim pritet të përmirësojë sigurinë dhe cilësinë e jetës së banorëve, duke krijuar kushte më të mira për lëvizjen në orët e mbrëmjes.
