Dhuna në familje jo vetëm që vijon të jetë prezente në familjet e Maliqit, por tashmë gratë po denocojnë gjithmonë e më tepër duke mos jetuar mes dhunës apo duke lënë pas steriotipet se “ai që të rreh të do”.
Rasti më i fundit vjen nga fshati Zvirinë ku një grua e dhunuar sistematikisht ka denocuar bashkëshortin e saj 36 vjeçar, i cili duket se e kishte kthyer në ‘sport’ dhunimin e saj.
Pas denoncimit ai përfundoi pas hekurave ndërsa gruaja është pajisur me urdhër mbrojtjeje.
Njoftimi i policisë:
DVP Korçë/Vihet nën pranga 1 shtetas për veprën penale të dhunës
-Specialistët për Hetimin e Krimeve të Komisariatit të Policisë Maliq arrestuan në flagrancë shtetasin M. H., 36 vjeç, banues në fshatin Zvirinë, Maliq, pasi dyshohet se ka ushtruar dhunë ndaj bashkëshortes së tij, e cila u pajis me urdhër mbrojtjeje.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Korçë, për veprime të mëtejshme.
