Skuadra e Maliqit ka dhënë një sinjal të fortë përgatitjesh në prag të sezonit të ri, duke mposhtur me rezultatin e thellë 5-1 ekipin e Helzagut. Ndeshja shërbeu si një provë e rëndësishme për trajnerin Egli Malesia, i cili u dha mundësinë të gjithë futbollistëve të shfaqin potencialin e tyre, përfshirë dhe lojtarët që prej ditësh janë në provë.
Stafi teknik ka paralajmëruar se fundjava do të sjellë një tjetër test interesant për Maliqin, këtë herë kundër ekipit U-19 të Skënderbeut. Në këtë përballje pritet të zbresin në fushë për herë të parë edhe disa lojtarë të ardhur nga Brazili, që aktualisht po vlerësohen nga trajneri dhe bashkëpunëtorët e tij.
Me katër miqësore në këmbë, trajneri Malesia do të ketë një panoramë më të qartë për formacionin ideal dhe potencialin real të skuadrës, ndërsa Maliqi duket se po futet në ritmin e duhur për sezonin e ri.
