Bashkia Maliq ka fituar projektin “Taraca Solare”, i financuar nga Fondi Shqiptar i Zhvillimit, që synon kursimin e energjisë elektrike dhe përmirësimin e ndriçimit në qytet.
Në kuadër të këtij projekti, në taracën e institucionit të bashkisë po vendoset një sistem fotovoltaik, i cili do të sigurojë energji të rinovueshme si për nevojat e institucionit, ashtu edhe për ndriçimin rrugor të bulevardit kryesor të Maliqit.
Ky investim pritet të sjellë një ulje të ndjeshme të shpenzimeve të energjisë dhe njëkohësisht të përmirësojë cilësinë e shërbimeve për komunitetin.
Bashkia Maliq ka falënderuar Fondin Shqiptar të Zhvillimit për mbështetjen dhe vizionin e projekteve që kontribuojnë në zhvillimin e qëndrueshëm të pushtetit lokal.
