Edhe bashkia e Korçës përmes një marrëveshje të lidhur me Agjencinë Shtetërore të Kadastrës do të ndihmojë në përshpejtimin e procesit të legalizimeve. Marrëveshja është diskutuar në Këshillin Bashkiak të Korçës, ky kryebashkiaku ka shpjeguar edhe dy funksionet që do të kryejnë punonjësit e këtij institucioni në ndihmë të këtij procesi.
Opozita e ka kundërshtuar lidhjen e kësaj marrëveshje duke theksuar se ajo nuk do të sjellë asnjë gjë të re.
Kjo pikë e rendit të ditës është miratuar me shumicë votash, ndërsa pritet që së shpejti marrëveshja të vihet në funksion duke ndihmuar në përshpejtimin e procesit të legalizimeve për objektet që ende nuk janë legalizuar në bashkinë e Korçës.
