Skënderbeu ka arritur një fitore bindëse 3-1 ndaj Besës në një ndeshje miqësore të zhvilluar në Korçë. Takimi nisi me ritëm të ulët dhe pak raste për shënim, ndërsa Besa përfitoi nga një gabim në mbrojtje dhe kaloi në avantazh në minutën e 18-të me anë të Çinedu.
Pjesa e parë u mbyll me epërsinë e kavajasve, por Skënderbeu reagoi fuqishëm në të dytën. Fillimisht ishte Ukiçi që barazoi pas një aksioni të nisur nga Nasr, ndërsa më pas Tayo shënoi golin e avantazhit në minutën e 67-të. Në fund, Gjini vulosi fitoren me një gol në minutën e 90-të.
Një ndeshje që tregoi dy fytyra të ndryshme të Skënderbeut, me një pjesë të parë të vakët dhe një pjesë të dytë dominuese.
