Një rast suksesi u arrit tek një paciente e diagnostikuar përpara shtatzënisë me trombocitopenia, purpure idiopatike, falë bashkëpunimit të mjekëve obstetër-gjinekologë, mjekëve reanimatorë, hematologë dhe atyre pediatër në SUOGJ “Mbretëresha Geraldinë”.
Lajmi u bë i ditur nga ministrja e Shëndetësisë dhe Mbrojtjes Sociale, Albana Koçiu në një postim në rrjetet sociale.
‘Ky është rasti i parë në Shqipëri i dokumentuar që një shtatzëni e tillë të shkojë deri në muajin e 9-të duke shpëtuar jetën e nënës dhe vogëlushit të saj”, theksoi Koçiu, e cila shprehu mirënjohje për ekipin e mjekëve: Prof. dr. Eliona Demaliaj, dr. Marinela Lica, dr. Zef Delia, dr. Adela Perolli dhe dr. Spiro Dama.
Falë kësaj ndërhyrje pacientja dhe bebi i saj gëzojnë shëndet të plotë.
