Trajneri Orlando Koja u ka kërkuar dy lojtareve nga Venezuela, Vivas dhe Persce të jenë pjesë e Skënderbeut edhe një sezon tjetër.
Si njëra dhe tjetra nuk janë kundër qëndrimit tek Skënderbeu, ekip në të cilin kanë fituar 4 trofe por mësohet se të dyja lojtaret kryesore të kësaj skuadre kanë kërkuar ndryshim të kushteve financiare të kontratës.
Kërkese e cila po shqyrtohet nga zyrtarët e shumësporteve korçare si dhe trajneri i ekipit Orlando Koja.
Me Skënderbeun, sipas drejtoreshës së shumësporteve Olsa Vaso, kontratë me ekipin ka dhe lojtarja e qendrës Sara Malaj ndërkohë që kanë përfunduar kontratat Paola Gjata dhe kosovarja Edona Kallundra.
Për pogradecaren mësohet se do të ketë një ofertë nga ana e klubit ndërsa për kosovaren ka një interes nga ana e Pogradecit.
Vaso gjithashtu bën të ditur se klubi është në bisedime me lojtare shqiptare por dhe të huaja që luajnë në kampionatin tonë ashtu siç tha se volejbollistja amerikane Morgan Bossler është vetofruar tek ekipi i Skënderbeut por do të jetë trajneri Orlando Koja ai që do të vendosë për gjithçka