Ka filluar mbrëmë me dy koncerte në Korçë edicioni i 7 i festivalit internacional të muzikës.
Koncerti i parë ka qënë ai i pianistit Red Radoja i cili jeton dhe punon si pedagog i pianos në Francë.
Radoja me lojën e tij në piano ka tërhequr vëmendjen e artdashësve të shumtë në skenën e teatrit “Andon Zako Çajupi” në Korçë, ndërsa koncerti i dytë i natës së parë të MIK FESTIVAL ka qënë ai i sopranos shqiptare Dëshira Ahmeti, soliste në operan nacionale të Maqedonisë së Veriut, e cila kishte ardhur me Gjorgji Petrushevski dhe Jordan Petrushevskin, të cilët sollën në “Hani i Pazarit” muzikën shqiptare e maqedonase.
Diva e muzikës sonë Inva Mula ja ka dalë që edhe në këtë edicion të sjellë solistë e instrumentistë të njohur shqiptarë e të huaj.
Për kryetarin e bashkisë ky festival ka dy kulme, së pari që risjell pas 70 vitesh operetën Agimi të Kristo Konos e së dyti që sjell figura të nivelit të lartë të muzikës klasike dhe jo vetëm.
MIK FESTIVAL pas operetës Agimi do të udhëtoje drejt Drenovës së Asdrenit me “Inva Mula and friends” dhe në Voskopojë ku në kishën e Shën Kollit do të jetë koncerti i fundit
