6-vjeçare nga Maliqi, N.A., e lënduar rëndë nga ngjarja e sotme, është transportuar në Qendrën Spitalore Universitare “Nënë Tereza” për trajtim të specializuar.
E mitura u prit në urgjencën e Shërbimit të Djegie-Plastikës nga ekipi mjekësor i QSUT, i cili qëndroi në komunikim të vazhdueshëm me mjekët që e shoqëronin gjatë transportit nga Korça. Pas vlerësimit, pacientja, aktualisht në gjendje kritike për jetën, u hospitalizua në Shërbimin e Terapisë Intensive të Pediatrisë, ku po trajtohet nga një ekip pediatër, reanimatorësh dhe specialistësh të djegie-plastikës sipas protokolleve mjekësore.
Pak minuta pas mbërritjes së saj, Ministrja e Shëndetësisë dhe Mirëqenies Sociale, Prof. Evis Sala, së bashku me drejtoreshën e QSUT, Anxhela Paparizo, ndoqën nga afër gjendjen e pacientes, duke qëndruar në kontakt të vazhdueshëm me ekipin mjekësor.
MSHMS shpreh ngushëllimet për humbjen e pjesëtarëve të familjes dhe thekson se po monitoron minutë pas minute gjendjen shëndetësore të së miturës.
