Burime të siguruara pranë vendit të ngjarjes bëjnë me dije se 53 vjecari A.K ka qenë duke pushuar në breg të liqenit kur papritmas është goditur nga njëra prej gomave të mjetit që po punonte për pastrimin e bregliqenit.
Nga goditja mësohet 53 vjecari ka marrë dëmtime në kokë dhe shpatull, i cili ndodhet në spitalin e Pogradecit, ku po i jepet ndihma e parë mjekësore. mjekësore.
Burime nga spitali nuk kanë bërë zyrtarisht gjendjen e 53 vjecarit me dëmtime serioze në kokë dhe shpatull. Policia ndodhet në vendin e ngjarjes dhe po heton për shkaqet e ketij aksidenti.
Drejtuesi i mjetit pastrues është çuar në komisariatin e Pogradecit ku po merret në pyetje nga oficerët e policisë gjyqësore lidhur me ngjarjen.
