Konfliktet midis të rinjve janë të vazhdueshme. Dy të rinj nga fshati Moglicë janë zënë me njëri-tjetrin për motive të dobëta duke sjellë plagosjen e njërit prej tyre. Njëri nga të rinjtë ka pasur thikë me vete dhe ka qëlluar shokun e vet.
Fatmirësisht i plagosur është jashtë rrezikut për jetën.
24 vjeçari po ndiqet penalisht për veprimin e kryer.
Njoftimi i policisë;
DVP Korçë/Procedohet në gjendje të lirë 1 shtetas, për veprën penale të dhunës
-Specialistët për Hetimin e Krimeve të Komisariatit të Policisë Maliq referuan materialet në Prokurori për shtetasin M. M., 24 vjeç, banues në fshatin Moglicë, Maliq, pasi në fshat, gjatë një konflikti për motive të dobëta ka goditur me mjet të mprehtë, një 33-vjeçar.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Korçë, për veprime të mëtejshme.
