Mëngjesin e kësaj të shtune polocia njoftoi se 2 të plagosur u shënuan në Bishnicë të Mokrës pasi drejtuesi i mjetit kish humbur kontrollin dhe doli nga rruga. 2 të plagosurit janë në spital, fatmirsisht jashtë rrezikut për jetën.
Por ky nuk është aksidneti i parë e as i fundit që do të shënohet sa kohë që rrugët e Mokrës janë lënë rrugëve një jetë të tërë.
Si në Mokrëm e Poshtme edhe atë të Sipërme me mijëra familje vuajnë për një copë asfalt. Mokra ka qenë besnike dhe e ka respektuar çdo lloj qeverie apo politikani, por këta iu kanë marrë votën, iu kanë pirë dollinë dhe pastaj nuk janë parë më.
Sot Mokra plot potencial turistik, natyror e kulturor do rrugë, banorët thërrasin për investim, pasi përveç se ka qindra familje të ikura si pasojë e rrugës, tashmë ajo me rrezikshmërinë e saj por u “merr” edhe jetën.
Tre akse kryesore ka kjo zonë Rruga e Bishnicës turistike, Llëngës dhe Niçës por që të treja nuk kanë infrastrukturë, bashkia konfirmon se i ka dërguar projektet në Fondin SHqiptar të ZHvillimit dhe pret financim nga ministria pasi e vetme, nuk ka fond për t’i bërë këto rrugë që i kalojmë 12 milionë euro.Kështu ndalet hemorragjia e ikjeve, aksidentet, por zhvillohet Mokra, ajo Mokër martire që i ka dhënë aq shumë Shqipërisë dhe vendit.
